Выродлiвы хлапчук читать онлайн

6lib.ru - Электронная Библиотека
Название книги: Выродлiвы хлапчук
Автор(ы): Айзэк Азiмаў
Жанр: Научная Фантастика
Адрес книги: http://www.6lib.ru/books/virodlivi-hlaphuk-152299.html

Як заўсёды, перш чым адчынiць наглуха зачыненыя дзверы, Эдзiт Фэлоўз паправiла свой рабочы халат i толькi пасля таго пераступiла тую нябачную лiнiю, што аддзяляла рэальны свет ад свету несапраўднага. Пры ёй былi нататнiк i асадка, хоць з пэўнага часу яна не вяла больш сiстэматычных запiсаў, робячы iх толькi пры пiльнай патрэбе.На гэты раз яна несла з сабою i чамадан. «Гэта гульнi хлопчыкам», усмiхнуўшыся, растлумачыла яна вартаўнiку, якi даўным-даўно ўжо не задаваў ёй нiякiх пытанняў i толькi махнуў рукою, прапускаючы яе.Як звычайна, выродлiвы хлапчук адразу пачуў яе прыход i, плачучы, кiнуўся ёй насустрач.— Мiс Фэлоўз, мiс Фэлоўз, — мармытаў ён, вымаўляючы словы глуха, не зусiм выразна, ва ўласцiвай аднаму яму манеры.— Што здарылася, Цiмi? — спыталася яна, правёўшы рукою па яго страхалюднай галоўцы, зарослай густымi рудымi кудламi.— Джэры вернецца, каб зноў гуляць са мной? Мне вельмi сорамна за тое, што адбылося.— Не думай больш пра гэта, Цiмi. З-за гэтага ты i плачаш?Ён адвярнуўся.— Не зусiм, мi