Салдацкi лёс (на белорусском языке) читать онлайн

6lib.ru - Электронная Библиотека
Название книги: Салдацкi лёс (на белорусском языке)
Автор(ы): Быков Василь
Жанр: Классическая проза
Адрес книги: http://www.6lib.ru/books/saldacki-les-_na-belorusskom-azike_-162548.html

Васiль Быкаў
Салдацкi лёс
Дыялог з нагоды
- Гэй, цесля, перакур!
- Перакур, кажу. Пашкадуй сякеру!
- А-а! А я i не пазнаў. Гляджу, думаю, хто такi? Ну чакай, зараз злезу.
- Памагчы мо?
- Ну што ты? Я сам... Прывык, так што... Здалёку iдзеш?
- Ды з раёна. Чую, цюк-цюк. Гляджу, знаёмая галава тырчыць. Думаю, зазiрну на хвiлiну.
- Ну здароў! Калi так...
- Здароў! Глядзi, ладная дамоўка. З трысценам?
- З трысценам. Хай на яго. Трэба! Старая саўсём ужо струхлела, думаю, хоць на старасцi ў новай пажыць. Ды i сын...
- Што, можа, ажанiўся?
- Не яшчэ, але, знаеш, збiраецца. Дзейсцвiцельную адслужыў жа. У сiле дзяцюк.
- Глядзi ты! А памятаю, нядаўна во такi быў.
- Яно здаецца - нядаўна. А гады iдуць.
- Ды ўжо ж.
- Дык сядзем. Калi перакур, кажаш. Не спяшаешся ж? Во на бервяно гэта. Гладкае. Курыш?
- Можа, маiх? Свежанькiх?
- Гэта якiя? А, ба