Загадкавы святы читать онлайн

6lib.ru - Электронная Библиотека
Название книги: Загадкавы святы
Автор(ы): Буль Пьер
Жанр: Научная Фантастика
Адрес книги: http://www.6lib.ru/books/zagadkavi-svati-216254.html

П'ер Буль Загадкавы святы Пераклад: А.Мароз Блiзкай сяброўцы, чый заўжды неспакойны дух мiласэрнасцi натхнiў мяне на гэтую жудасную гiсторыю 1 Незнаёмы дабраўся да лепразорыя, калi сонца апускалася над далiнай. Iшоў ён неяк няроўна. Падымаючыся па схiле Гары Хворых, ён то ледзь перастаўляў ногi, апусцiўшы плечы i нахiлiўшы галаву, нiбы зусiм знясiлены, то выпростваў сваё доўгае цела i паскараў хаду. Тады здавалася, што ён перамагаў стому напружаннем волi, незвычайную сiлу якой выдавалi рысы ягонага твару, нiбы яму было вельмi важна без спазнення дабрацца да мэты сваёй вандроўкi. Хоць было горача, на iм была доўгая, да пят, карычневая хламiда з воўны. Яго твар быў брудны ад поту i пылу. Каля крыжа, што пазначаў мяжу ўладанняў праказы, ён прысеў на камень, выпусцiў з рук свой кiй, на канцы якога матляўся невялiчкi клуначак з пажыткамi, i, зняможаны, нейкi час сядзеў нерухома, цяжка дыхаючы. Праз хвiлiну ён быў на нагах, даўжэзны цень ад яго постацi падаў на зямлю паралельна ценю крыжа, яго вочы гарэлi, худ