Срэбра жыцця (на белорусском языке) читать онлайн

6lib.ru - Электронная Библиотека
Название книги: Срэбра жыцця (на белорусском языке)
Автор(ы): Черный Кузьма
Жанр: Русская классическая проза
Адрес книги: http://www.6lib.ru/books/srebra_jicca_na_belorusskom_azike_-14160.html

– Электронная Библиотека
Название книги: Срэбра жыцця (на белорусском языке)
Автор(ы): Черный Кузьма
Жанр: Русская классическая проза
Адрес книги: /http://www.6lib.ru/14160-srebra_jicca_na_belorusskom_azike_.html
-
Черный Кузьма Срэбра жыцця (на белорусском языке)
Кузьма Чорны Срэбра жыцця
I
Рыжая барада трасецца, у бакi ходзiць ад дробнага смеху.
– Гы, гы… Вучыць. Дзьмухнi, кажа, на агонь – пячы не будзе. От зараз як дзьмухну за гэткую раду галавешкаю ў рыла, дык навучыш… Гы, гы…
I, зморшчаны рогатам i гарачынёй, адсоўваецца ад агню чырвоны шырокi твар.
– Гэта ж не агонь, а твая, дзядзька, уласная барада цябе гэтак смалiць.
– Гы, гы…
Злаваць спрабуе рыжы дзядзька, але нiчога ў яго не выходзiць. I зноў ён рагоча. I ўсе з iм. Дрыжыць ад смеху яснае пры агнi кола на зямлi.
– Гы, гы, гы…
Трашчаць у агнi смоленыя сукi. То рассцелецца агонь, нiзка прыпадзе да зямлi, то шыбане раскудлачанай галавою ўгару. Выхоплiвае з чорнага змроку дзядзькаў твар, побач з тва