Млечны Шлях (на белорусском языке) читать онлайн

6lib.ru - Электронная Библиотека
Название книги: Млечны Шлях (на белорусском языке)
Автор(ы): Черный Кузьма
Жанр: Русская классическая проза
Адрес книги: http://www.6lib.ru/books/mlehni_slah_na_belorusskom_azike_-14178.html

– Электронная Библиотека
Название книги: Млечны Шлях (на белорусском языке)
Автор(ы): Черный Кузьма
Жанр: Русская классическая проза
Адрес книги: /http://www.6lib.ru/14178-mlehni_slah_na_belorusskom_azike_.html
-
Черный Кузьма Млечны Шлях (на белорусском языке)
Кузьма Чорны
Млечны Шлях
Раман
Рыжы бык адбiўся ад вялiкай чарады, якую нямецкiя салдаты гналi кудысьцi на станцыю, i рынуўся з дарогi ў поле. Па iм стралялi, але яму пашанцавала ўцячы i вырабiцца з бяды. Гэта было вясною. Да добрай восенi ён бадзяўся па лесе i полi i стаў порсткi i ўскiдзiсты на рух. Ён зусiм адзiчэў, але не схуднеў. Травы яму хапала. Яшчэ i цяпер пад кустамi было зяленiва, хоць i пачарнелае ад халадоў. Стаяла восень. Але яшчэ часам дзень зiхацеў сонцам, i тады птушкi не зважалi на прымаразак. Iх было многа. Яны пырхалi крыллем у вяршалiнах дрэў i спявалi, малыя i вёрткiя. Часамi бык рыкаў, але ў гэтых мясцiнах, дзе ён бадзяўся, яго можа i не чуў нiхто. Тут льга было прайсцi вялiкую