Хан Кене (на каз.яз.) читать онлайн

6lib.ru - Электронная Библиотека
Название книги: Хан Кене (на каз.яз.)
Автор(ы): Есенберлин Ильяс
Жанр: Историческая проза
Адрес книги: http://www.6lib.ru/books/han-kene-_na-kaz_az_-195007.html

Ілияс ЕсенберлинҚАХАР(КӨШПЕНДІЛЕР — 3)Бірінші бӨлімІАй сәулесі жүдеп, қырқа үсті ақ шолаң тарта құлан иекте- ніп атып келе жатқан таңмен бірге шашақты сасыр, түйе жапырағы аралас, ат құлағы көрінбейтін көк шалғынды ылдидан қалың көш көрінді.Аздан соң көгілдір аспанды алтын сәулесімен шарпи, қызарып күн де шықты. Төңірек сандықтан суырған гауһар тастай жалт-жұлт ойнап ғажайып сәулетті түрге енді. Жаз ортасы ауған шақ еді. Даланың сәнге бөленген кезі өтіп, сұлу ажары кеми бастағанымен, күн сәулесіне бөккен жасыл шалғын семіз малдың түгіндей құлпырып тұр. Қалың шөп арасынан сыңсыған қып-қызыл қой бүлдіргенінен, сиыр бүлдіргенінен көз тұнады. Әбден саумалданып саяу бере бастаған қымыздық та шоғырлана кездеседі. Мезгілі өтіп бара жатқан қалың балауса, көк шалғынның хош иісі таңғы кіршіксіз таза ауамен араласып мұрынды жарады.Күн сәулесіне шомылған көштің беті күнгей тұс. Көш басында тең үстіне қызыл ала масаты кілем жабылған күлсары атан жетектеген, солғын реңді кәрі шал. Астында тобылғы күр